काठमाडौँ – सोमबार सुनको मूल्य तोलामा २ लाख ६० हजार रुपैयाँ नाघेको छ। नेपाल सुनचाँदी व्यवसायी महासंघका अनुसार छापावाल सुनको मूल्य सोमबार २ लाख ६० हजार ७०० रुपैयाँ पुगेको छ।

अघिल्लो दिन यो मूल्य तोलामा २ लाख ५८ हजार ८०० रुपैयाँ थियो।

यस्तै, चाँदीको मूल्य पनि बढेको छ। आइतबार तोलामा ३ हजार ८३५ रुपैयाँ रहेको चाँदीको मूल्य सोमबार बढेर ३ हजार ८७० रुपैयाँ पुगेको छ। महासंघले अन्तर्राष्ट्रिय बजारमा मूल्य बढेकाले स्थानीय बजारमा पनि वृद्धि भएको जानकारी दिएको छ।