हिपमत डटकम
झापा । नेपाली कांग्रेस झापाले प्रतिनिधिसभा निर्वाचनका लागि महामन्त्री विश्वप्रकाश शर्मासहित प्रत्यक्ष र समानुपातिक प्रणालीतर्फ गरी ६६ जना उम्मेदवारको नाम कोशी प्रदेश समितिमा सिफारिस गरेको छ।
पार्टी विधानअनुसार जिल्लाका पाँचवटै संसदीय निर्वाचन क्षेत्रबाट सिफारिस भई आएका उम्मेदवारहरूको नाम प्रदेश समितिमा पठाइएको जिल्ला सचिव कृष्ण हुमागाईंले जानकारी दिए।
केन्द्रीय समितिले गत मङ्सिर १५ गते पार्टी विधानबमोजिम क्षेत्रीयस्तरबाट उम्मेदवारको नाम सिफारिस गर्न निर्देशन दिएपछि झापाका सबै क्षेत्रबाट आकांक्षीहरूको नाम सङ्कलन गरिएको थियो। यस क्रममा क्षेत्र नं १ मा प्रत्यक्षतर्फ महामन्त्री विश्वप्रकाश शर्माको नाम एकल रूपमा सिफारिस भएको हुमागाईंले बताए।
उनका अनुसार क्षेत्रीय बैठकहरूबाट विवादरहित ढङ्गले प्रत्यक्ष र समानुपातिक दुवैतर्फ उम्मेदवारको नाम सिफारिस गरिएको हो। अन्य क्षेत्रमा प्रत्यक्षतर्फ तीन–चार जनाको नाम आए पनि क्षेत्र नं १ मा महामन्त्री शर्माको एकल नाम सिफारिस भएको उनले स्पष्ट पारे।
क्षेत्र नं १ बाट समानुपातिकतर्फ रामबहादुर कट्टेल, खड्गबहादुर धिमाल, नारायण गिरी, गोमा भट्टराई, राधा कार्की र शोभा श्रेष्ठ नेम्बाङ सिफारिस भएका छन्।
क्षेत्र नं २ मा प्रत्यक्षतर्फ छत्रबहादुर गिरी, सरिता प्रसाईं र सजेश शिवाकोटी तथा समानुपातिकतर्फ सीता पौडेल, उमा शिवाकोटी, हस्त परियार, मीरा खड्का, उर्मिला पोखरेल, देवी निरौला बस्नेत, मनुमाया विश्वकर्मा, पाण्डवलाल चौधरी, रणदेव हजाम र कृष्णबहादुर श्रेष्ठको नाम सिफारिस गरिएको छ।
यस्तै, क्षेत्र नं ३ मा प्रत्यक्षतर्फ टीकाराज ढकाल, सीताराम खड्का, श्यामप्रसाद सिटौला, राजेन्द्र घिमिरे, देउप्रसाद लावुङ लिम्बू, नवीन विमली, भगिरथ पोद्धार र शर्मिला अधिकारी तथा समानुपातिकतर्फ सुशीला ढकाल, हरिकृष्ण घोष, खड्ग राजवंशी, बडाराम हेमरम, सीतादेवी भट्टराई, लता कार्की, उर्मिला गौतम, कृष्णकली राजवंशी, लालबहादुर कन्दङवा र शिला तामाङ सिफारिस भएका छन्।
क्षेत्र नं ४ मा प्रत्यक्षतर्फ देउकुमार थेवे, उत्तमबहादुर चौलागाई र धनमाया चिमरिया तथा समानुपातिकतर्फ सूर्यनारायण ताजपुरिया, सुन्दर बेस्रा, सन्तोषकुमार मेनेङ्बो, टङ्कबहादुर विश्वकर्मा र मथुरादेवी श्रेष्ठको नाम सिफारिस गरिएको छ।
यसैगरी क्षेत्र नं ५ मा प्रत्यक्षतर्फ अइन्द्रविक्रम केरुङ, पदमबहादुर पौडेल, मन्दरा पौडेल चिमरिया, मेदनीप्रसाद सिटौला, देवीप्रसाद दाहाल, खगेन्द्रप्रसाद पाण्डव अधिकारी र सिरम कार्की तथा समानुपातिकतर्फ महेन्द्राकुमारी लिम्बू, सुरेश सुब्बा, दिलीप राई, सत्यनारायण चौधरी, भूमिराज राई, चन्द्रा खड्का भट्टराई, कृष्णबहादुर धिमाल, रामकुमारी पौडेल, मेनुका बुढाथोकी, अम्बर बराईली, निरोज अग्रवाल, भीममाया उप्रेती (भुजेल) र रोहितकुमार शाहको नाम सिफारिस गरिएको सचिव हुमागाईंले जानकारी दिए।
१.
२.
३.
