हिपमत डटकम
झापा — चालु आर्थिक वर्ष २०८२/८३ को पहिलो चौमासिकमा पूर्वी नाका काँकडभिट्टाबाट रू ६ अर्ब २ करोड ७६ लाख ४५ हजार बराबरको पेट्रोलियम पदार्थ आयात भएको छ। यस अवधिमा पेट्रोल, डिजेल, एलपी ग्यास, एटिएफ र मट्टितेलको आयात मुख्य रूपमा भएको मेची भन्सार कार्यालयले जनाएको छ।
मेची भन्सार कार्यालयका सूचना अधिकारी ईश्वरकुमार हुमागाईँका अनुसार अघिल्लो आर्थिक वर्ष २०८१/८२ को सोही अवधिको तुलनामा पेट्रोलियम आयात रू ११ करोड ९२ लाख ५४ हजार (२.०१%) ले वृद्धि भएको छ। आयात वृद्धि संगै पेट्रोलियम पदार्थबाट प्राप्त राजस्व पनि २.९०% (रू ८ करोड ४१ लाख २२ हजार) ले बढेको उनले जानकारी दिए।
चार महिनामा पेट्रोलियम पदार्थ आयातबाट कुल रू २ अर्ब ९६ करोड ८१ लाख ४५ हजार राजस्व सङ्कलन भएको भन्सार कार्यालयले जनाएको छ।
पेट्रोल: ३५,१५६ किलोलिटर
मूल्य: रू ३ अर्ब १० करोड ५४ लाख
डिजेल: १८,४०८ किलोलिटर
मूल्य: रू १ अर्ब ७४ करोड ६८ लाख
एलपी ग्यास: ८,५५७ मेट्रिक टन
मूल्य: रू ८२ करोड ६३ लाख
एटिएफ: २,९०८ किलोलिटर
मूल्य: रू २६ करोड ३३ लाख
मट्टितेल: ५०८ किलोलिटर
मूल्य: रू ४ करोड ६१ लाख
१.
२.
३.
