विराटनगर — मन्त्री कुलमान घिसिङले विराटनगरस्थित कोशी अस्पतालको निर्माणाधीन भवन तोकिएको समयभित्र पूरा गर्न निर्माण व्यवसायीलाई निर्देशन दिएका छन्।

आइतबार निरीक्षणका क्रममा मन्त्री घिसिङले ११ तले भवनको ३५% र चार तले भवनको ६०% मात्रै काम सम्पन्न भएको अवस्थामा पनि समयमै काम सक्न जोड दिएका हुन्। बिरामीको चाप बढेको अवस्थालाई ध्यानमा राख्दै उनले प्रशासन र निर्माण व्यवसायीलाई काम छिटो अघि बढाउन भने।

निर्माण व्यवसायी केसी एवं रमण कन्स्ट्रक्सनले चार वर्षअघि सुरु गरेको काम यसै वर्षमा हस्तान्तरण गर्ने सम्झौता छ। सो अवसरमा अस्पताल प्रमुख डा. रुणा झा र डिभिजनल इञ्जिनियर सुरेन्द्र साहले मन्त्री घिसिङलाई भवन निर्माणको प्रगति विवरण प्रस्तुत गरे।

https://www.facebook.com/share/v/1CyH9j3UHt/