हिपमत डटकम
सङ्खुवासभा । श्रम संस्कृति पार्टीका अध्यक्ष हर्क साम्पाङले आगामी निर्वाचनमा आफ्नो नेतृत्वमा नयाँ राजनीतिक शक्ति उदाउने दाबी गरेका छन्।
खाँदबारीमा आयोजित संगठन विस्तार तथा जागरण सभामा बोल्दै साम्पाङले विगतका वर्षमा देखिएको राजनीतिक अस्थिरता, भ्रष्टाचार र सरकारी कमजोर व्यवस्थापनका कारण जनता वैकल्पिक शक्तिको खोजीमा लागेको बताए।
उनका अनुसार श्रम संस्कृति पार्टी त्यही विकल्पका रूपमा अघि बढिरहेको र जनसमर्थनका आधारमा उल्लेखनीय सफलता हासिल गर्ने आत्मविश्वास उनले व्यक्त गरे।
साम्पाङले आफ्नो पार्टी प्रत्यक्ष कार्यकारी प्रधानमन्त्री पद्धतिको पक्षमा रहेको बताउँदै भ्रष्टाचारविरुद्ध कडाइका साथ कदम चालिने स्पष्ट संकेत दिए।
“भ्रष्टाचार गर्दिनँ, गर्न पनि दिइने छैन,” उनले भने, “हाम्रो सरकार सुशासन, पारदर्शिता र मितव्ययितामा आधारित हुनेछ।”
उनले उत्पादन र निर्माणलाई प्राथमिकतामा राखेर देशलाई आर्थिक रूपमा सबल बनाउने लक्ष्य पार्टीले लिएको उल्लेख गरे। उत्पादनमा वृद्धि गर्न नसक्दा ठूलो सङ्ख्यामा नेपाली बेरोजगार बन्नु परेको पीडामा सरकार गम्भीर हुनुपर्ने उनले बताए।
साम्पाङले गाउँ–गाउँमा संगठन सुदृढ गर्दै सामाजिक तथा आर्थिक रूपान्तरणमा जुट्ने घोषणा समेत गरे।
१.
२.
३.
