काठमाडौं । जनमत पार्टीका वरिष्ठ उपाध्यक्ष अब्दुल खानसहित ६ जना केन्द्रीय नेताले पार्टी परित्याग गरेका छन्। उनीहरूले बिहीबारदेखि पार्टी छोडेको घोषणा गरेका हुन्।

राजीनामा दिनेहरूमा वरिष्ठ उपाध्यक्ष अब्दुल खान, प्रवक्ता डा. शरदसिंह यादव, युवा संघ संयोजक संजयकुमार यादव, स्वास्थ्यकर्मी संघ संयोजक सीके सिंह, सुदूरपश्चिम संयोजक राजाराम चौधरी र केन्द्रीय सदस्य विक्रमबहादुर बम छन्।

बुधबार मात्र उनीहरूले पार्टी अध्यक्ष सीके राउतलाई २४ घन्टे अल्टिमेटम दिँदै राजीनामा माग गरेका थिए। तर, राउतले नेतृत्व नछाडेपछि उनीहरूले पार्टी छाडेका हुन्।