वासिङ्टन डीसी — अमेरिकी रोग नियन्त्रण तथा रोकथाम केन्द्र (CDC) की निर्देशक सुसन मोनारेज र पूर्व राष्ट्रपति डोनाल्ड ट्रम्प नेतृत्वको प्रशासनबीच कडा मतभेद सार्वजनिक भएको छ। ह्वाइट हाउसले मोनारेजलाई बर्खास्त गरिएको घोषणा गरेपछि विवाद चुलिएको हो।

मात्र एक महिना अघिमात्र नियुक्त भएकी मोनारेजले ह्वाइट हाउसबाट जारी गरिएको स्वास्थ्य सम्बन्धी निर्देशिकालाई “रबर स्ट्याम्प, अवैज्ञानिक र लापरबाहीपूर्ण” भन्दै अस्वीकार गरेकी हुन्। उनले अमेरिकी स्वास्थ्य मन्त्री रोबर्ट एफ. केनेडी जुनियरमाथि जनस्वास्थ्यलाई राजनीतिक हतियारको रूपमा प्रयोग गरेको आरोप समेत लगाएकी छन्।

मोनारेजका कानुनी प्रतिनिधिहरूले उनको बर्खास्ती अवैधानिक भएको दाबी गर्दै, सीडीसी निर्देशक हटाउने अधिकार राष्ट्रपति ट्रम्पसँग मात्र रहेको बताएका छन्।

यता, ह्वाइट हाउसका प्रेस सचिव क्यारोलिन लेभिटले मोनारेजलाई राजीनामा दिन आग्रह गरिएको र उनले प्रारम्भमा सहमति जनाएर पछि अस्वीकार गरेको दाबी गरेकी छिन्।

स्रोतहरूका अनुसार केनेडीका निकटस्थ व्यक्ति जिम ओ’निललाई सीडीसीको कार्यवाहक निर्देशकको रूपमा नियुक्त गरिएको छ। तर यो नियुक्ति अहिलेसम्म औपचारिक रूपमा घोषणा गरिएको छैन।

राष्ट्रपति ट्रम्पको ‘मेक अमेरिका हेल्दी अगेन’ अभियानसँग मोनारेजको स्पष्ट असहमति रहेको र त्यसैले उनलाई हटाइएको राजनीतिक विश्लेषकहरूले बताएका छन्। मोनारेजको बर्खास्तीपछि, बुधबार CDC का अन्य चार शीर्ष अधिकारीहरूले पनि राजीनामा दिएका छन्।