विराटनगर— मानव अधिकार सञ्जाल विराटनगर पुनर्गठन गरिएको छ। शुक्रबार अधिकार क्षेत्रमा क्रियाशील विभिन्न संघसंस्थाका प्रतिनिधिहरूको भेलाले बासु अधिकारीलाई नयाँ संयोजकको रूपमा चयन गरेको हो।

निवर्तमान अध्यक्ष विनोद पोखरेलको अध्यक्षतामा सम्पन्न बैठकले सञ्जाल पुनर्गठन गर्ने निर्णय गरेको थियो। पुनर्गठित संरचनाअनुसार प्रदेश बाल अधिकार परिषद्का सदस्य तथा सिविन नेपालका प्रदेश प्रमुख बासु अधिकारी संयोजक चयन भएका छन् भने ओरेक नेपालकी प्रदेश संयोजक तथा अधिवक्ता शोभा बजगाईं सहसंयोजकमा चयन भएकी छन्।

मानव अधिकार सञ्जाल विराटनगरले २०६४/०६५ सालदेखि मानव अधिकार संरक्षण, सामाजिक न्याय प्रवर्द्धन, र अधिकारसम्बन्धी पैरवी गर्दै आएको छ।