अमेरिकी राष्ट्रपति डोनाल्ड ट्रम्पले अवैध वा अस्थायी रूपमा बसोबास गर्ने व्यक्तिका सन्तानलाई नागरिकता नदिने आदेशमा मेरिल्याण्डको सङ्घीय अदालतले रोक लगाएको छ।

मेरिल्याण्डकी जिल्ला न्यायाधीश डेबोरा बोर्डम्यानले ट्रम्पको आदेश अमेरिकी संविधानको १४ औं संशोधनविरुद्ध रहेको भन्दै अवैध घोषित गरेकी हुन्। उनले भनेकी छन्, “अमेरिकामा जन्मिएका सबै बच्चा, उनका आमाबाबुको कानुनी स्थिति जे भए पनि, नागरिकताको हकदार हुन्।”

यो आदेश सन् २०२५ को फेब्रुअरी १९ पछि जन्मिने सबै बच्चाहरूमा लागू हुनेछ। ट्रम्पको यो नीति अदालतमा अवैध ठहरिने यो चौथो पटक हो।