‘मिस वर्ल्ड २०१९’ टोनी एन सिंह नेपाल आइपुगेकी छन् । उनी बिहिबार बिहान त्रिभुवन विमानस्थलमा उत्रिएकी हुन् । उनलाई स्वागत गर्ने मिस नेपाल २०१९ अनुष्का श्रेष्ठ पुगेकी थिइन् । हिडन ट्रिजर तथा पर्यटन मन्त्रालयसँगको समन्वयमा जमैकाकी टोनी नेपाल आएकी हुन् ।
उनीसँग मिस वर्ल्ड आयोजकका अध्यक्ष जुलिया मार्ले र निर्देशक स्भि डग्लसमेत नेपाल आएका छन् । टोनीको सिन्धुपाल्चोकदेखि मकवानपुरसम्मको यात्रा तय भएको छ । टोनी शुक्रबार सिन्धुपाल्चोकको हेलम्बु गाउँपालिकामा निर्माणाधिण हिमालयन ग्रेट ट्रेल अवलोकनका लागि पुग्नेछिन् ।
उनी हेलम्बुकै सुर्सिलङमा रहेको मिस नेपाल अनुष्काको प्रोजेक्ट समेत अवलोकन गर्नेछिन् । त्यस्तै टोनी अघिल्लो वर्षकी मिस नेपाल श्रृखंला खतिवडाको प्रोजेक्ट अवलोकल गर्न मकवानपुर पनि पुग्ने कार्यक्रम रहेको छ ।