हिपमत डटकम
विराटनगरमा कोरोना संक्रमित एक व्यक्तिको हृदयाघातका कारण मृत्यु भएको छ।
विराटनगर महानगरपालिकामा कार्यर्त नगर रक्षक हवल्दार ५६ वर्षीय सूर्यबहादुर घिमिरेको शनिबार बिहान मृत्यु भएको हो।
१५ गते कोरोना रिपोर्ट पोजेटिभ आएपछि घरमै आइसोलेसनमा रहेका हवल्दार घिमिरे शुक्रबार बेलुका नोबेल अस्पतालमा भर्ना भएका थिए।
उनी चिन्ताजनक अवस्थामा नोबेलमा पुगेका थिए। उनलाई आइसियूमा राखेर उपचार थालिएकोमा शनिबार बिहान ५:५० मा मृत्यु भएको नोबेल अस्पतालका प्रबन्धक नारायण दाहालले बताए।
दाहालका अनुसार उनलाई हृदयाघात भएको थियो।
‘कोभिडसँगै हृदयाघात भएर उहाँको मृत्यु भएको हो,’ दाहालले भने।
दाहालका अनुसार घिमिरेको पुरानो कुनै रोग थिएन। news source :- Setopati
१.
२.
३.
