प्रधानमन्त्री केपी शर्मा ओलीका प्रेस सल्लाहका तथा नेकपा (एमाले) का केन्द्रीय सदस्य सूर्य थापाले केन्द्रीय कमिटीको फागुन २८ गते र त्यस यता गरेका निर्णयहरु तथा प्रधानमन्त्री ओलीको मियोमा आवद्ध भएर अघि बढ्न तयार भइ आएमात्रै माधव कुमा नेपाल पक्षधरलाई स्वागत गर्ने टिप्पणी गरेका छन् ।

उनले वरिष्ठ नेता माधवकुमार नेपाल र नेता भीमबहादुर रावललाई छ/छ महिना पार्टी केन्द्रीय कमिटीको सदस्यबाट निलम्बन गरी देशव्यापी महान शुद्धीकरण अभियान अघि बढाउनुको कुनै अर्को विकल्प नभएको पनि बताएका छन् । सामाजिक सञ्जालमार्फत थापाले यस्तो टिप्पणी गरेका हुन् । उनले लेखेका छन्,‘र केन्द्रीय कमिटीले फागुन २८ गते र त्यस यता गरेका निर्णयहरू तथा केपी शर्मा ओलीकाे मियाेमा आबद्ध भएर अघि बढ्न तयार भई आए पाे स्वागत छ, अन्यथा किन -याई-याईं गर्ने ?कमसेकम माधवकुमार नेपाल र भीमबहादुर रावल पिएचडीलाई छ/छ महिना पार्टी केन्द्रीय कमिटीकाे सदस्यबाट निलम्बन गरी देशव्यापी महान शुद्धीकरण अभियान अघि बढाउनुकाे कुनै अर्काे विकल्प छैन !”