काठमाडौँ — नेकपा एमालेको ११औँ महाधिवेशनको सरगर्मी तीव्र बन्दै गएको बेला पार्टीका वरिष्ठ उपाध्यक्ष ईश्वर पोखरेलले अध्यक्ष केपी शर्मा ओलीसँग बिहीबार भेटवार्ता गरेका छन्।
एमाले नेता महेश बस्नेतका अनुसार पोखरेल आफ्नो समूहका नेताहरू—अष्टलक्ष्मी शाक्य, युवराज ज्ञवाली, सुरेन्द्र पाण्डे र योगेश भट्टराईसहित—गुण्डुस्थित ओली निवासमा पुगेका थिए। बैठक करिब ३ घण्टासम्म चलेको थियो।
उपाध्यक्ष पोखरेलले यसअघि नै अध्यक्ष पदमा आफ्नो उम्मेदवारी रहने घोषणा गरिसकेका छन्, जबकि अध्यक्ष ओली सहमतिमार्फत नेतृत्व चयन गर्नुपर्ने पक्षमा रहेका छन्।
महाधिवेशनको पूर्वसन्ध्यामा भएको यो भेटलाई पार्टीभित्र विशेष ध्यानका साथ हेरिएको छ। यद्यपि, बैठकमा के–कस्ता विषयमा कुराकानी भयो भन्ने विस्तृत विवरण सार्वजनिक गरिएको छैन।
१.
२.
३.
हिपमत डटकम