हिपमत डटकम
विराटनगर । विराटनगरको अस्पताल चोकस्थित पूर्व गोल्डेन अस्पतालको भवनमा २५ बेड क्षमताको नयाँ प्राइम अस्पताल आइतबारदेखि औपचारिक रूपमा सेवा प्रदान गर्न थालेको छ।
स्वास्थ्य क्षेत्रमा लामो समयदेखि संलग्न सनातन मण्डल नेतृत्वको समूहले आधुनिक सुविधा र गुणस्तरीय सेवा सुनिश्चित गर्ने उद्देश्यसहित अस्पताल सञ्चालनमा ल्याएको हो।
झन्डै ८ करोड रुपैयाँ लगानीमा ७ जना निवेशकर्ताले स्थापना गरेको अस्पतालको उद्घाटन लगानीकर्ताका आमाहरूले संयुक्त रूपमा रिबन काटेर गरेका थिए।
अस्पतालले सुरुआती चरणमै १५ जना विशेषज्ञ चिकित्सक समेटिएको दक्ष चिकित्सा टोली गठन गरेको छ। सर्वसुलभ र आधुनिक स्वास्थ्य सेवा कम शुल्कमा उपलब्ध गराउने लक्ष्य अस्पताल व्यवस्थापनले गरेको छ।
सेवा प्रारम्भसँगै प्राइम अस्पतालले १५ दिनसम्म उपचारमा ५० प्रतिशत छुट दिने घोषणा गरेको छ।
स्थानीय समुदायलाई नजिकै नै किफायती उपचार सुविधा उपलब्ध गराउने उद्देश्यले स्थापना गरिएको प्राइम अस्पतालले क्षेत्रीय स्वास्थ्य सेवामा सकारात्मक योगदान पुर्याउने अपेक्षा गरिएको छ।
१.
२.
३.
