काठमाडौँ – दिवंगत पत्रकार सुरेश रजककी श्रीमती सुजन मगियालाई सरकारले रोजगारी दिएको छ।

सुरक्षण मुद्रण कोषमा उनलाई करार सेवामा कम्प्युटर अधिकृतको रूपमा नियुक्ति गरिएको हो। सञ्चारमन्त्री जगदीश खरेलको उपस्थितिमा कोषका कार्यकारी निर्देशक देवराज ढुंगानाले नियुक्ति पत्र हस्तान्तरण गरेका थिए। सो क्रममा सुजन भावुक बनेकी थिइन्।

पत्रकार सुरेश रजकको २०८१ चैत १५ मा तीनकुनेमा भएको आन्दोलनमा ज्यान गएको थियो।