काठमाडौँ । नेपाली बजारमा आज सुनको मूल्यमा ठूलो वृद्धि भएको छ। मंगलबार अघिल्लो दिनको तुलनामा तोलामा ४ हजार ९०० रुपैयाँले बढेर छापावाल सुनको मूल्य तोलामा २ लाख ४६ हजार ४०० रुपैयाँ पुगेको नेपाल सुनचाँदी व्यवसायी महासंघले जनाएको छ।

यसअघि सोमबार सुनको मूल्य तोलामा २ लाख ४१ हजार ५०० रुपैयाँ निर्धारण गरिएको थियो।

सुनसँगै चाँदीको मूल्य पनि बढेको छ। सोमबार तोलामा ३ हजार १५ रुपैयाँ रहेको चाँदी मंगलबार तोलामा ३ हजार ६५ रुपैयाँमा कारोबार भइरहेको छ।

विश्लेषकहरूका अनुसार अन्तर्राष्ट्रिय बजारमा मूल्य बढेसँगै यसको प्रभाव नेपाली बजारमा पनि परेको हो।