विराटनगरस्थित काली मन्दिर क्षेत्रमा धार्मिक ब्यानर च्यातेको आरोपमा आकृति एडभरटाइजिङ र साइन हबका तीन कर्मचारी पक्राउ परेका छन्। वडा प्रहरी कार्यालयको टोलीले उनीहरूलाई नियन्त्रणमा लिएको हो।

धार्मिक क्षेत्रमा गरिएको यो कार्यको विरोधमा स्थानीय युवा आक्रोशित हुँदै कर्मचारीहरूलाई लखेटेका थिए। घटनापछि विज्ञापन कम्पनीले नयाँ तुल ब्यानर राख्ने सहमति जनाएको छ।

पक्राउ परेकामध्ये विनोद बानिया र द्वारिका रेग्मीलाई जिल्ला प्रहरी कार्यालयमा, जबकि किरण गिरीलाई वडा प्रहरी कार्यालयमा राखिएको छ। नयाँ ब्यानर राखेपछि मात्र उनीहरूलाई रिहा गरिने प्रहरीले जनाएको छ।