उत्तराखण्डको रुद्रप्रयाग र चमोली जिल्लामा बिहीबार राति आएको क्लाउडबर्स्ट (बादल फाट्ने) घटनाले ठूलो जनधनको क्षति पुर्‍याएको छ। हालसम्म ४ जनाको मृत्यु पुष्टि भएको छ भने करिब ५० जना बेपत्ता छन्।

बरेठ डुङ्गर टोक र देवल क्षेत्र विशेष प्रभावित भएका छन्। पहिरो र माटो–ढुंगाको कारण सडकहरू अवरुद्ध हुँदा उद्धारमा कठिनाइ भएको छ। दर्जनौं परिवार फसेका छन्।

मुख्यमन्त्री पुष्कर सिंह धामीले सामाजिक सञ्जालमार्फत उद्धार तथा राहत कार्य युद्धस्तरमा जारी रहेको बताएका छन्। यो एक सातामा उत्तराखण्डमा भएको दोस्रो क्लाउडबर्स्ट हो।