कोशी प्रदेशको सूर्योदय नगरपालिका प्रदेशकै उत्कृष्ट स्थानीय तह बन्न सफल भएको छ। संघीय मामिला तथा सामान्य प्रशासन मन्त्रालयको स्थानीय तह संस्थागत क्षमता स्वमूल्याङ्कन (LISA) अनुसार सूर्योदयले ९०.५० अंकसहित प्रदेशमा पहिलो स्थान हासिल गरेको हो।

इलाम नगरपालिका ९० अंकसहित दोस्रो, विराटनगर महानगरपालिका ८७.२५ अंकसहित तेस्रो स्थानमा परेको छ। इटहरीले ८० र धरानले ७७.५० अंक प्राप्त गरेका छन्।

राष्ट्रिय स्तरमा तिलोत्तमा नगरपालिका लगातार दोस्रो वर्ष उत्कृष्ट घोषित भएको छ। तिलोत्तमाले आन्तरिक स्रोतमा आधारित विकास, विपद् व्यवस्थापन, र सूचना केन्द्र सञ्चालनमा उल्लेखनीय प्रगति गरेको मन्त्रालयले जनाएको छ।

मन्त्रालयले ९ वटा क्षेत्रमा मूल्याङ्कन गरी उत्कृष्ट स्थानीय तह छनोट गर्दै आएको छ।