पथरी शनिश्चरे । पथरी शनिश्चरे नगरपालिकाले नगर क्षेत्रका सञ्चारकर्मीहरुसँग राय सुझाव संकलन गरेको छ ।

आज (सोमबार) नगरपालिकामा आगामी बजेट योजनाको लागि सञ्चारकर्मीहरुसँग राय सुझाव संकलन कार्यक्रम गरिएको हो ।

नगर क्षेत्र भित्र रहेर पत्रकारिता गरिरहेका सञ्चारकर्मीसँग सञ्चारसँग सम्वन्धित विभिन्न योजना र नगरको समग्र विकास निर्माणका विषयमा सञ्चारकर्मीहरुले राय सुझाव दिएका थिए ।

सो राय सुझाव संकलन पश्चात् नगरबाट भइरहेका विकास निर्माणका कार्यहरुको विषयमा प्रमुख प्रशासकीय अधिकृत शशि राईले विस्तृत रुपमा जानकारी गराउनुभएको थियो ।

सो कार्यक्रममा नगरका लेखा शाखा प्रमुख पिताम्वर वस्ती, योजना शाखा प्रमुख शिव कुमार राई लगायतका कर्मचारीहरुको उपस्थिति रहेको थियो । हरेक वर्ष नगरपालिकाले सञ्चारकर्मीहरुसँग यस किसिमको राय सुझाव र अन्तरक्रिया कार्यक्रम गर्दै आइरहेको छ ।