हिपमत डटकम
काठमाडौं महानगरपालिका-१४ कलंकी खसीबजारस्थित सडकमा बा.८१ प ४१२९ नम्बरको मोटरसाइकल र प्रदेश नम्बर ६ ख २८९३ नम्बरको टिपर एकआपसमा ठोक्किएर मंगलबार दिउँसो दुर्घटना हुँदा मोटरसाइकल चालक धादिङ छत्रे देउराली घर भएका १८ वर्षीय विश्वास रन्जितकारको मृत्यु भएको छ ।
दुर्घटनामा गम्भीर घाइते भएका उनको ट्रमा सेन्टरमा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएको छ ।
त्यसैगरी ललितपुर जिल्लाको महालक्ष्मी नगरपालिका-९ लुभु लामाटारमा बा.४ ख २३२७ नम्बरको मिनि टाटा गाडीको ठक्करबाट सोही ठाउँ बस्ने ३६ वर्षीया उर्मिला रानामगरको मंगलबार दिउँसो मृत्यु भएको छ ।
ठक्करबाट गम्भीर घाइते भएकी उनको कृष्ट अस्पताल ललितपुरमा उपचारको क्रममा मृत्यु भएको हो । गाडी चालकलाई प्रहरीले नियन्त्रणमा लिएको छ ।
प्रहरीले दुर्घटनाका सम्बन्धमा सम्बन्धमा आवश्यक अनुसन्धान गरिरहेको छ ।
१.
२.
३.
