हिपमत डटकम
काठमाडौं। विमानबाट एक्कासी धुँवा निस्केपछि नेपालगञ्जबाट काठमाडौंका लागि उडेको विमान आकस्मिक अवतरण गराइएको छ ।
विमानको शौचालयबाट धुँवा निस्किएपछि ७९ यात्रु बोकेर काठमाडौंका लागि उडेको श्री एयरलायन्सको जहाज करिब छ मिनेटपछि नेपालगञ्ज विमानस्थलमा आकस्मिक अवतरण गराइएको हो ।
नेपालगन्ज विमानस्थल कार्यालयका अनुसार विहान नौ बजेर ४९ मिनेटमा काठमाडौंका लागि उडेको श्रीको बमबार्डियर ड्यास क्यू फोर शुन्य शुन्य विमानमा एक्कासी धुँवा देखिएको हो ।
शौचालयभित्र धुँवा निस्किएको संकेत ककपिटमा रहेको उपकरणमा देखिएपछि चालक दलले उक्त विमानलाई नेपालगन्ज विमानस्थलमा फर्काएका हुन् । जहाज अवतरण भइसकेपछि हामीले पनि धुँवा देखिएको प्रतक्ष्यदर्शीले बताएका छन् ।
इन्जिन बन्द गरेपछि भने धुँवा रोकिएको विमानस्थल कार्यालयले जनाएको छ । अवतरणपछि विमानको प्राविधिक परीक्षण शुरु गरिएको छ । श्री एयरसँग बमबार्डियर चार र सीआरजे चार गरी आठ वटा जहाज छन् ।
१.
२.
३.
