म्याग्दी। म्याग्दीमा पहिरोले घर बगाउँदा एकै परिवारका पाँच जनाको मृत्यु भएको छ ।
मालिका गाउँपालिका दुई रुमको घाङ्लेपानीमा पहिरोले घर बगाउँदा ३८ वर्षीय घाम बहादुर विकसहित उनको परिवारका पाँच जनाको मृत्यु भएको हो ।
प्रहरीका अनुसार पहिरोमा परी ३८ वर्षीय घामबहादुर, उनका पत्नी ३५ वर्षीया राममाया विक, छोरा १५ वर्षीय नविन विक, अर्का छोरा १३ वर्षीय राजन विक र पाँच वर्षीया छोरी रोजी विकको मृत्यु भएको हो ।
यस्तै त्यही ठाउँमा पहिरोल अर्काे घर पुर्दा दुई जना घाइते भएका छन् ।
स्थानीय ६५ वर्षीय गोठे विक र उनकी पत्नी ६५ वर्षीया गोरी विक पहिरोमा परि घाइते भएका हुन् ।
उनीहरुलाई स्थानीयले उद्धार गरेर नजिकैको स्वास्थ्य केन्द्रमा उपचारका लागि पठाएका छन् ।
१.
२.
३.
हिपमत डटकम