नेपाली नारीहरुको महान चाड हरितालिक तीज २०७९ लक्षित विभिन्न गीत संगीत बजारमा आउने क्रममा पछिल्लो समय थुप्रै गीतहरु मौलिकतालाई भुलेर मात्र ब्यवसाहिकता ध्यान दिईएको हो की भन्ने भान हुने गरेको छ । यसो हुँदा आउँदा पुस्ताले तीज गीतको यथार्थ स्वाद नपाउने निश्चित छ । यसैलाई ख्याल गर्दै पछिल्लो समय हरेक सांगीतिक मनहरुको ढुकढुकी बनेर आफ्नो कलाकारिता यात्रालाई अगाडी बढाई रहेकी लोकप्रिय गायिका शारदा रसाइलीले “आउ नाचौं” खर्ककी चेली भाग १ सार्बजनिक गरेकी छिन् ।

गीतमा आफ्नी आमा स्वर्गीय पाए पश्चात माइती गाउँ निकै अन्धकार बनेको कथा समाबेस गरिएको छ । सरोज बिरही कार्कीको मौलिक लय शब्दबाट तयार भएको गीतमा शारदा रसाइलीको नै सुमधुर स्वर सुन्न सकिन्छ । मन छुने तर नाच्नेलाई नाच्न मिल्ने किसिमको यस गीतलाई संगीत संयोजन भने नारायण दंगालले गरेका छन् । म्युजिक प्लस स्टुडियोमा रेकर्ड भएको “आउ नाचौं” खर्ककी चेली भाग १ बोलको यस तीज गीतमा आयुष्मा कार्की, संचिता बोलाखे र गायिका स्वयम् शारदा रसाइलीको आकर्षक अभिनय देख्न सकिन्छ ।

शारदा रसाइली युट्युब च्यानल मार्फत सार्बजनिक गरिएको यस गीतको म्युजिक भिडियोलाई निर्देशन मिलन श्रेष्ठले गरेका हुन् भने छायांकन सन्तोष तिमल्सिना र सम्पादन रोशन धितालले गरेका छन् । गायिका शारदाले आफ्नो च्यानल मार्फत सार्बजनिक गरिएको यस गीतलाई अशंख्य श्रोता तथा दर्शकहरुको माया प्राप्त भएमा आगामी दिनमा थप यस्तै कर्णप्रिय गीत सार्बजनिक गर्दै जाने कुरा बताएकी छिन् ।

भिडियो हेर्न तल क्लिक गर्नु होला ।