सुनवर्षी ।मोरङ सुनवर्षी नगरपालिका वडा न -५ टकुवामा ईसुक मिँयाको भान्सा घरमा बिधुत सट भई आगलागी हुदा करिब २० लाख बराबरको क्षति भएको पिडित परिवारका सदस्यले हिपमत डटकमलाई बताएका छन्।

आगलागी स्माइल मिँया र मोहमद समिमको घरबाट दिउँसो १ करिब १ बजेबाट नै सुरु भएको स्थानियहरुले हिपमत डटकमलाई जानकारी दिएका छन्। इलाका प्रहरी कार्यालय रंगेली र रंगेली नगरपालिकाको दमकल र स्थानियाहरुको सयुक्त प्रयासबाट आगो नियन्त्रणमा आएको थियो।

आगलागीबाट कुनै पनि प्रकारको मानबिय क्षति नभएको प्रहरीले जानकारी दिएको छ। घरमा राखेको को ३ प ५६०८ नम्बरको मोटरसाईकल र २ वटा साईकलमा आंसिक रुपमा क्षति पुगेको प्रहरीले बताएका छन्। आगलागीमा घरमा राखिएको लत्ताकपडा ,केहि आवशक कागजात ,अन्नहरु र भाडाकुरा जलेको प्रहरीले जानकारी दिएका छन्। आगलागीबाट करिब २० लाखको क्षति भएको ईलाका प्रहरी कार्यालय रंगेलीका प्रहरी निरिक्षक शाैलेश न्याैपानेले हिपमत डटकमलाई बताएका छन्।