सुनचाँदी बजारमा आज छापावाल सुनको मूल्य प्रतितोला ९०० रूपैयाँले बढेर ९८ हजार ५०० तोकिएको छ । अघिल्लो दिन सुन प्रतितोला ९७ हजार ६०० मा कारोबार भएको थियो ।

नेपाल सुनचाँदी व्यवसायी महासंघले सार्वजनिक गरेको विवरणानुसार शुक्रवार तेजाबी सुनको मूल्य प्रतितोला ९८ हजार तोकिएको छ । यसको मूल्य अघिल्लो दिन प्रतितोला ९७ हजार १०० रूपैयाँ थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला २५ रूपैयाँले बढेर एक हजार २९० पुगेको महासंघले जनाएको छ ।