काठमाडौं, १७ वैशाख। पर्सा, वीरगंज महानगरपालिका-१४ स्थित वीरगंज हेल्थ केयरमा चट्याङबाट बिजुलीको लाईन सर्ट भई शुक्रबार राति आगलागी हुँदा डायलेसिस मेसिन ८ थान, मेडिकल मोनिटर ७ थान, एसि १ थान, मेडिकल बेड ६ थान, ल्यापटप २ थान, भेन्टिलेटर २ थान, एएआरओ प्लान्ट २ थान लगायतका विभिन्न सामानहरु जलेर करिब १ करोड ७२ लाख ५६ हजार रूपैयाँ बराबरको धनमाल नष्ट भएको छ ।
त्सैगरी डोटी, बडिकेदार गाउँपालिका-२ बसेडी बस्ने कलम बहादुर सार्कीको घरमा शुक्रबार राति आगलागी हुँदा घर पूर्णरुपमा जलेर करिब ७ लाख रूपैयाँ बराबरको धनमाल नष्ट भएको छ ।
प्रहरी, स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।