बिराटनगर। सुनवर्षी नगरपालिकाको मेयरमा २६ बर्षीय वीरेन्द्रकुमार साहको नाम सिफारिस भएको छ ।

नेपाली कांग्रेस सुनवर्षी नगर समितिले नेका जिल्ला सदस्य, पत्रकार महासंघ मोरङका सदस्य समेत रहेका साहको नाम सिफारिस गरेको हो ।

‘राजनीतिमा पाका हावी भएको बेला मेरो उपस्थितिले युवालाई ऊर्जाशील बनाउने छ’ साहले भने, ‘राजनीतिमा हामीजस्ता युवा आएर सम्वृद्ध समाजको परिकल्पना गर्न सक्छौं ।’ साह एभिन्यूज टेलिभिजनका समाचारदातासमेत हुन । उनी हिपमत मिडिया हाउसका अध्यक्षसमेत हुन ।

राजनीतिलाई सेवाको माध्यम बनाउने प्रणसहित राजनीतिमा सक्रिय रहेका साहले आफुले मेयरमा टिकट पाएर विजयी भएको अवस्थामा प्राप्त सुबिधासमेत जनहितमा खर्च गर्ने प्रतिवद्धता जनाएका छन् ।