आजकल ठुला ठुला कलाकारलाई महँगो पारिश्रमिक दिएर , महँगो भिडियो बनाएर, पत्रकार सम्मेलन गरेर , लाँखौको बुस्ट गरेर गीत सार्वजनिक गरिने समयमा गीतले बिना अफिसियल म्युजिक भिडियो , बिना स्टार कलाकार , बिना बुस्ट तथा बिना महँगो खर्चमा ट्रेन्डिङको बाटो हँुदै  युट्युबमा करोड भ्युज पाउन सफल भएको हो ।गायिका मेलिना राई र संगीतकार राज कुमारको सहकार्यले यसअघि पनि म भन्दा नि जस्तो सफल गीत दिईसकेको छ । तिमी बिना बाँच्दिन म भन्ने तिमी गीतलाई त्यहि गीतको निरन्तरताको रुपमा पनि हेरिएको छ । अहिले सुन्ने भन्दा हेर्ने जमाना हो भन्ने जमातलाई पनि गीत हिट हुन अडियो नै बलियो हुनपर्छ  भन्ने कुर्रालाई थप प्रमाणित गरेको छ प्रस्तुत गीतले ।

यसअघिको म भन्दा नि गीतले पनि बिना अफिसियल भिडियो र बिना बुस्ट युट्युबमा करोड भ्युज पाउन सफल भएको थियो ।दर्शक श्रोताको यो किसिमको माया र सफलताले भिडियो भन्दा बढी अडियोलाई जोड दिएर थप गीतहरु ल्याउने बताउँछन् गीतकार तथा संगीतकार राज कुमार ।