राजस्थानको नागौर जिल्लामा चोरी गरेको आरोपमा दुई दलित दाजुभाइलाई बर्बर तरिकाले पिटेको र गुप्ताङ्गमा पेट्रोल हालेको भिडियो बाहिर आएको छ । यो घटना गत फेब्रुअरी १६ मा पाँचौडी क्षेत्रमा भएको हो ।
भिडियो भाइरल भएपछि प्रहरीले पीडित युवकहरुलाई सम्पर्क गरी ७ आरोपीहरु विरुद्ध मुद्दा दर्ता गरेको छ । यस मामिलामा पाँच जनालाई प्रहरीले पक्राउ गरेको छ भने २ जना फरार रहेका छन् । काँग्रेस नेता राहुल गान्धीले यस घटनालाई भयावह बताएका छन् ।
आज नागौर में करणु गांव में मात्र 100 रूपये चुराने के शक में दलित युवक को नंगा करके मारा और गुप्तांग में पेट्रोल लगाए जाने की बहुत ही अमानवीय घटना सामने आयी है। @Profdilipmandal @BhimArmyChief @PJkanojia @ashokgehlot51 @hanumanbeniwal @ReallySwara @Kush_voice @puneetsinghlive pic.twitter.com/3dhQ3jkkQE
— Sanjay Lakhwad (@SanjayUkroond) February 19, 2020
प्रहरीका अनुसार दुई दाजुभाइ आफ्नो मोटरसाइकल सर्भिसिङका लागि वर्कसपमा पुगेका थिए । त्यहाँ उनीहरुमाथि काउन्टरबाट पैसा चारेको आरोप लगाउँदै कुटपिट गरिएको थियो । उनीहरुमाथि पेटी, मुक्का र लात्ता बर्साइएको थियो । त्यसपछि आरोपीहरुले पेचकसमा पेट्रोल भिजाइएको कपडा बाँधेर गुप्ताङ्गमा छिराएका थिए ।
करिब डेढ घण्टा कुटपिट गरेपछि आरोपीहरुले पीडितका दुई छिमेकी युवाहरुलाई फोन गरेर उनीहरुलाई त्यहाँबाट लैजान भनेका थिए । त्यसपछि पीडितका दाई त्यहाँ पुगेर दुवैजनालाई अस्पतालमा भर्ना गराएका थिए ।
प्रहरीले यस घटनामा हडमान, रघुवीर, आईदान, छैल र रहमतुल्लालाई पक्राउ गरेको छ । उनीहरु सबै पाँचौडी क्षेत्रमा बस्छन् ।
१.
२.
३.
