काठमाडौँ । अस्मिता अधिकारी र निशान भट्टराईको स्वर रहेको ‘किन होला’ सार्वजनिक भएको छ । मिठासपूर्ण शब्द गीतमा प्रयोग गर्दै आएका गीतकार बालकृष्ण न्यौपानेको शब्द तथा हरि लम्सालको संगीत रहेको गीतमा उदयराज पौडेलको संगीत संयोजन छ ।

गीतको भिडियोमा सानो तथा ठुलो पर्दामा चलेको अनुहार अभिनेता आकाश श्रेष्ठ, पुष्प खड्का, अभिनेत्री पूजा शर्माको अलवा मोडल गरिमा शर्मा, सुरज श्रेष्ठ, कविता श्रेष्ठ लगायतको अभिनय देख्न सकिन्छ । गीतका कलाकारले दमदार नृत्य समेत गरेका छन् ।

शिव बिकको कोरियोग्राफी तथा निर्देशन रहेको भिडियोमा ज्ञानेन्द्र शर्माको छायांकन, विष्णु खड्काको सम्पादन छ । गीतले सबैको मन जित्छ भन्नेमा आफु विश्वास्त रहेको गीतकार न्यौपानेले बताए ।