सूर्यविनायक नगरपालिका-१ सिरुटार बस्ने ३३ वर्षीय राजन श्रेष्ठको अपरिचित व्यक्तिको कुटपिटबाट मंगलबार राति मृत्यु भएको छ ।
सोही नगरपालिका-२ बालकोट बसीटोल हनुमन्ते खोला नजिक बालकोट बंगलामुखीदेखि हनुमन्ते खोला फलामे पुलतर्फ जाने बाटोमुनि अपरिचति व्यक्तिको कुटपिटबाट श्रेष्ठ गम्भीर घाइते भएको भन्ने जानकारी प्राप्त हुनासाथ महानगरीय प्रहरी प्रभाग बालकोट र महानगरीय प्रहरी वृत्त थिमीबाट खटिएको प्रहरीले घाइतेलाई उपचारको लागि मध्यपुर अस्पताल थिमी लगेकोमा उपचारको क्रममा उनको मृत्यु भएको हो ।
अनुसन्धान अधिकृत सहितको प्रहरी टोली खटिई गई कुटपिटमा संलग्न हाल फरार व्यक्तिहरुको सुक्ष्म रुपमा खोजतलास तथा थप अनुसन्धान भइरहेको महानगरीय प्रहरी परिसर भक्तपुरले जनाएको छ ।