रुपन्देहीको मर्चवारमा एक किशोरीमाथि सामूहिक बलात्कार भएको छ । आइतबार राती ११ बजे सम्मरीमाई गाउँपालिकमा १६ वर्षीया किशोरीमाथि सामूहिक बलात्कार भएको हो । आइतबार राती किशोरी बलात्कृत भएपनि घटना सोमबारमात्र बाहिर आएको हो  सम्मरीमाई गाउँपालिका ३ स्थित एक गाउँमा महायज्ञ चलिरहेको बेला आफ्नै घरभित्र रहेकी किशोरीलाई घर बाहिर बोलाएर नजिकै बन्दै गरेको भवनमा लगेर ३ युवकले बलात्कार गरेको जिल्ला प्रहरी कार्यालय रुपन्देहीले जनाएको छ । पीडितका आफन्तले आज इलाका प्रहरी कार्यालय मर्चवारमा पुगेर जाहेरी दिएपछि घटना सार्वजनिक भएको हो ।बालिकाको भैरहवास्थित भीम अस्पतालमा उपचार भइरहेको छ । बालिकाका बुवा अस्वस्थ रहेका कारण उनको उपचारका लागि आमा–बुवा दुवै भारतको मुम्बईमा रहेका छन् । बालिकाका हजुरबुवा, एक बहिनी र भाई सँगै बस्दै आएकी छन् ।