भक्तपुर, चाँगुनारायण नगरपालिका-६ नगरकोटबाट करिब ८ केजी ३ सय ग्राम अवैध लागूऔषध गाँजा सहित सोही ठाउँ बस्ने ६५ वर्षीया ठुली माया मोक्तान लगायत ३ जनालाई शुक्रबार राति प्रहरीले पक्राउ गरेको छ महानगरीय प्रहरी परिसर भक्तपुरबाट खटिएको प्रहरीले उनीहरुलाई उक्त लागूऔषध सहित पक्राउ गरेको हो ।

पर्सा, वीरगञ्ज महानगरपालिका-१६ शंकराचार्य गेटबाट नियन्त्रित लागूऔषध नुफिन ५७ एम्पुल, फेनारगन ५७ एम्पुल, डाइजेपाम ५७ एम्पुल र ईनजेक्सन २ पिस सहित मकवानपुर हेटौंडा उपमहानगरपालिका-८ बस्ने १७ वर्षीय किशोरलाई शुक्रबार दिउँसो प्रहरीले पक्राउ गरेको छ ।

प्रहरी चौकी ईनर्वा र सशस्त्र प्रहरी बल बिओपी पर्साबाट खटिएको संयुक्त टोलीले उनलाई उक्त लागूऔषध सहित फेला पारी पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।