विराटनगर। खोटाङ सामाजिक सेवा मञ्चको भाषा, साहित्य कला उन्नयन उपसमितिको आयोजनामा शनिबार विराटनगरमा मासिक रचना वाचन कार्यक्रम सम्पन्न भएको छ ।

मञ्चको आफ्नै सभाहलमा आयोजित कार्यक्रममा भरत गुरागाईं ‘बर्बरिक’, चूडामणि नेपाल अकिञ्चन, दिङ्लाली कान्छो, ममता मृदुल, मीनकुमार नवोदित, रोहिणी रसिक, जमुना पौडेल, रमेन्द्र कोइराला, राधा सुवेदी, यशोदा अधिकारी, स्वयम्भुनाथ कार्की, लीलानाथ सिलवाललगायत एक दर्जनभन्दा बढी स्रष्टाहरुले आ–आफ्ना सिर्जना प्रस्तुत गरेका थिए ।

कार्यक्रममा मञ्चका वरिष्ठ उपाध्यक्ष घनश्याम पोखरेल, सदस्य निवास पोखरेललगायतले साहित्य समाजको ऐना भएकाले खोटाङ सामाजिक सेवा मञ्चले मासिक रुपमा साहित्यिक कार्यक्रम सञ्चालन गरेको बताए । कार्यक्रमलाई आगामी दिनमा अझै व्यवस्थित र व्यापक बनाउँदै लगिने कार्यक्रम संयोजक रोहिणी रसिकले स्पष्ट पारे ।