पेशाले चिकित्सक विराटनगरका मन्जिल श्रेष्ठ गीत संगीतका पारखी हुन । सानैदेखि गायनमा सौख राख्ने मन्जिल विराटनगरको न्यूरो अस्पतालमा आबद्ध छन् । उनै मन्जिलले भ्यालेन्टाइन डेको अवसर पारेर एक गीत सार्वजनिक गरेका छन् ।
हुन त यो उनको कभर गीत हो । सो गीतसँगै म्युजिक भिडियो समेत सार्वजनिक गरिएको छ । भिडियोमा मन्जिलसँगै विराटनगर कै गिटारिष्ट दिपेश थापालाई देख्न सकिन्छ । साँझ परेपछि नामक सो कभर गीतका असली गायक भने अनमोल गुरुङ्ग रहेका छन् ।
भिक्यु इन्टरटमेन्टले उत्पादन गरेको सो गीत विराटनगर कै हाम्रो स्टुडियो घरमा रेर्कड गरिएको हो । गीतको मिक्सिंग एरेन्जर सुरज श्रेष्ठले गरेका हुन ।