नामाकरणको आशा गरिए पनि राजनीतिक सहमति नबनेको प्रदेश नं. १ को संसद अधिवेशन साउन २१ गते बिहिबारदेखि सुरू हुने छ ।
प्रदेशको नामाकरण हुने सम्भावना झिनो छ । सभामुख प्रदीप भण्डारीले साउन २१ गते बिहीबारका लागि प्रदेशसभाको बैठक आह्वान गरेका छन् । असार २५ गते प्रदेश सरकारको बजेट पारित भएपछि बैठक स्थगित गरिएको थियो ।
अधिवेशनको औचित्यबारे केही नबताइए पनि यसपटक छलफलसम्म हुने देखिएको छ ।
यद्यपि मुख्यमन्त्री शेरधन राई यसैपटक नामाकरण सहमतिका आधारमा आउनुपर्ने भनदै राजनीतिक स्तरमा छलफल गरिरहेका छन् । प्रदेशको नामाकरण के हुने भनेर अहिलेसम्म खुलेर कुनै दल बाहिर आएका छैनन् र, कोसी, सगरमाथामा भने बहस भइरहेको छ ।