खबर ठुलो छ

ईटहरी उपमहानगरपालिका-४ बस्ने २२ वर्षीय पुरुषलाई अपहरण गरी शरीर बन्धक बनाई कुटपिट समेत गरेको अभियोगमा ३ जनालाई शुक्रबार प्रहरीले पक्राउ गरेको छ ।

पक्राउ पर्नेहरूमा ईटहरी उपमहानगरपालिका-७ बस्ने २५ वर्षीय संगित थापा, १९ वर्षीय अनिष कार्की र सोही उपमहानगरपालिका- ८ बस्ने २३ वर्षीय सिद्धार्थ राई रहेका छन् ।

ईटहरी उपमहानगरपालिका-८ फुलबारी टोलको प्लटिङमा उनीहरुले ती पुरुषलाई कुटपिट गर्दै गरेको अवस्थामा ईलाका प्रहरी कार्यालय ईटहरीबाट खटिएको प्रहरीले फेला पारी प्रहरीले पीडितको उद्दार गरेको थियो । थप अनुसन्धानको क्रममा ती पुरुषलाई उनीहरुले बिहीबार दिउँसो ईटहरी उपमहानगरपालिका-९ भोजपुरे टोलबाट जबरजस्ती गरी नम्बर नखुलेको सिटी सफारीमा राखी आँखामा पट्टी समेत बाँधेर संगितको घरमा लगि रातभर भाग्न उम्कन नदिई कोठाभित्र थुनी राखेको तथा शुक्रबार बिहान तीनै जनाले उक्त प्लटिङमा लगि कुटपिट गरेको खुल्न आएको छ ।

उनीहरु उपर अपहरण तथा शरिर बन्धक सम्बन्धी कसूर मुद्दामा सुनसरी जिल्ला अदालतबाट ७ दिन म्याद थप अनुमती लिई थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।

शनिबार, साउन ०९, २०७८मा प्रकाशित गरिएको
प्रतिक्रिया दिनुहोस
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया