सिरहा । सिरहा जिल्लाको धनगढीमाई नगरपालिका वडा नं. ४ जिरोमाईल वरियारपट्टि सहायक सडक अन्तर्गत सन्तनगरमा यात्रुवाहक बस दुघटना हुँदा एक जनाको मृत्यु भएको छ । दुर्घटनामा एक दर्जन बढी यात्रु घाइते भएका छन् ।
जिरोमाईलबाट वरियारपट्टि जाने क्रममा बा २ ख ७१ नम्वरको बस पल्टिदा वरियारपट्टि गाँउपालिका ३ का ३५ वर्षीय गणेश मुखियाको मृत्यु भएको हो ।
घाइतेहरुको स्थानीय स्वास्थ्य संस्थामा उपचार भईरहेको प्रहरीले जनाएको छ । मुखियाको घटनास्थलमै मृत्यु भएको जनाएको छ ।
तिव्र गतिमा रहेका बस अनियन्त्रीत भई दुघटना भएको हुन सक्ने जिल्ला प्रहरी कार्यालय सिरहाका सूचना अधिकारी शुभाष बुढाथोकीले जानकारी दिए । चालक भने फरार रहेको जनाएको छ । उनको खोजीकार्य भईरहेको बताइएको छ । शव पोष्टमार्टमको लागि लहान लगिएको छ ।