केन्द्रीय कमिटी बैठक उद्घाटन कार्यक्रममा निवर्तमान प्रधानमन्त्री केपी शर्मा ओलीले अनौठो अभिवेक्त्ती दिएको छ । नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवाले पाएको विश्वासको मत कवाडीको रिसाइकलबाट भाँडाकुँडा बटुलेर बनेको टालाटुली बाटुली कति राम्री पुतली भएको बताएका छन् । उक्त अभिवेक्त्ती सोमबार केन्द्रीय कमिटी बैठक उद्घाटनमा भने ।

उनले भने, ‘देउवाले लिएको विश्वासको मत कवाडीको रिसाइकलबाट भाँडाकुँडा बटुलेर बनेको टालाटुली बटुली, कति राम्री पुतली भन्ने खालेको हो ।’अध्यक्ष ओलीले देउवा सरकारले अब सत्ताको दुरुपयोग गरी एमालेमाथि हमला सुरु गर्ने पनि बताएका छन् । उनका अनुसार काँग्रेस विगतदेखि नै आफैँ आक्रमण गर्ने र आफैं मुद्दा हाल्ने पार्टी हो ।