जनकपुरधाम । गोर्खा सिमेट्रिज ट्रष्टले कोरोना संक्रमितहरुको उपचारका लागी प्रदेश २ सरकारलाई ६ थान पोर्टेबल भेन्टिलेटर सहयोग गरेको छ ।
सोमवार प्रदेश नं. २ का मुख्यमन्त्री लालबाबु राउतलाई गोर्खा सिमेट्रिज ट्रष्ट का प्रतिनिधिहरुले सो भेन्टिलेटर हस्तान्तरण गरेका हुन् । हस्तान्तरण गरिएका भेन्टिलेटरहरुमा ३ थान प्रादेशिक अस्पताल जनकपुर र ३ थान नारायणी उपक्षेत्रीय अस्पताल विरगंजलाई उपलब्ध गराइने छ ।
प्रथम तथा द्रोश्रो विश्व युद्धमा सहभागी भएका गोर्खाली सेनाहरुको स्मरणमा स्थापना भएको गोर्खा सिमेट्रिज ट्रष्ट समाजिक सेवाका क्षेत्रमा विभिन्न कार्यक्रमहरु गर्दै आएको छ ।