लगातार उकालो लागेको नेप्से कारोबर बुधवार नेप्से सूचक १३.५६ अंकले घटेर २९४६ विन्दुमा झरेको छ । यस दिन सेन्सेटिभ सूचक समेत २.८३ अंकले घटेको हो ।

यस दिन २२१ वटा कम्पनीको ३ करोड १३ लाख ५४ हजार २२ कित्ता शेयर १६ अर्ब ९९ करोड ७० लाख ९२ हजार ७०३ रुपैयाँमा खरिदबिक्री भएको छ । कारोबारमा आएका १३ वटा उपसमूहका सूचकमध्ये ६ उपसमूहको सूचक सकारात्मक देखिएका छन् भने बाँकी ७ उपसमूहका सूचक नकारात्मक देखिएका छन् ।

बुधबार भएको कारोबारमा युनाइटेड मोदी हाइड्रोपावर र नेपाल इन्स्योरेन्सको शेयरमूल्य सबैभन्दा धेरै ९.९५ प्रतिशतले बढेको छ भने रिडी हाइड्रोपावर ९.९२, सिइडिबी हाइड्रोपावर ९.८६, अरुण भ्यालि हाइड्रोपावर ९.८६, वरुण हाइड्रोपावर, पोखरा फाइनान्स ९.६३, प्रभु इन्स्योरेन्स ९.६१, प्रतिशतले बढेको छ ।

यस दिन अरुण भ्याली हाइड्रोपावरको सबैभन्दा धेरै ८७ करोड ९४ लाख रुपैयाँ बराबरको शेयर कारोबार भएको छ भने नेपाल पुनर्बीमा कम्पनीको ६१ करोड ७९ लाख, नेपाल इन्स्योरेन्सको ५१ करोड, लुम्बिनी विकास बैंकको ४८ करोड र युनाइटेड मोदि हाइड्रोपावरको ४७ करोड रुपैयाँ बराबरको शेयर कारोबार भएको छ ।