हिपमत डटकम
सुर्खेत, माघ २२ । वीरेन्द्रनगरमा एक किशोरीमाथि बलात्कार भयो। ती किशोरी अशक्त थिइन्। अटोरिक्सामा चढेकी उनलाई चालकले यात्राकै क्रममा पानी खान दिए। पानी खाएपछि किशोरी बेहोस भइन्। अटोभित्रै चालकले बलात्कार गरे।

पुस ९ गतेको यो घटनामा गस्तीमा रहेको प्रहरीले देखेपछि किशोरीको उद्धार गर्‍यो। अटोचालक अम्बरबहादुर विकलाई पक्राउ गरेर प्रहरीले मुद्दा चलायो। अनुसन्धानका क्रममा बेहोस हुने औषधि खुवाएर किशोरीमाथि बलात्कार भएको प्रहरी अनुसन्धानले पनि पुष्टि गरेको छ।

सुर्खेतको पश्चिममा पर्ने चौकुने गाउँपालिकामा एक युवतीमाथि सामूहिक बलात्कार भयो। पीडित युवती बिरामी थिइन्। उनलाई पनि स्थानीय नवीन सलामी र सुरेश पुरीले ज्वरोको औषधि भन्दै यौन उत्तेजना बढाउने औषधि दिए। सेवनपछि उनलाई सामूहिक बलात्कार गरियो। गत साउनमा भएको यो घटनामा प्रहरीले दुईलाई पक्राउ गरेको थियो। औषधि खुवाएर बलात्कार गरिएको यो घटना पनि प्रहरीमा दर्ता भएको छ।

गत असोजमा आफूमाथि सामूहिक बलात्कार भएको भन्दै ११ वर्षीया बालिकाले प्रहरीमा उजुरी दर्ता गरिन्। प्रहरीले घटनामा संलग्न भएको आरोपमा आठ जनालाई पक्राउ गरेर मुद्दा चलायो। घटनाका दुई आरोपित अहिले पनि फरार छन्। प्रहरीलाई दिएको उजुरीमा पीडित बालिकाले आफूलाई अटोमा लिएर चालकले नै सामूहिक बलात्कार गराएको उल्लेख गरेकी छन्। यो घटनामा पनि बालिकालाई प्रलोभनमा पारेर बलात्कार भएको प्रहरीको अनुसन्धानले देखाएको छ।

उल्लेखित घटना जिल्लामा भएका बलात्कारका प्रतिनिधिमूलक घटना हुन्। बढ्दो सहरीकरण र आर्थिक प्रलोभनका कारण जिल्लामा बलात्कारका घटना बढ्दै गएको प्रहरी अनुसन्धानले देखाएको आजको अन्नपूर्ण पोस्ट्मा खवर छ ।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया