टी–२० त्रिदेशीय क्रिकेट श्रृंखलाको पहिलो खेलमै नेपालले ९ विकेटको शानदार जित हासिल गरेको छ । त्रिभुवन विश्वविद्यालय स्थित मैदानमा आयोजक नेपाल सामु नेदरल्यान्डले १३७ रनको चुनौती पेश गरेको थियो ।
नेदरल्यान्डबाट बास डि लिड्ले बाहेक अन्य ब्याटस्म्यानले उत्कृष्ट खेल्न सकेनन् ।
सन्दीप लामिछानेको बलमा कुशल भुर्तेलले क्याचआउट गर्नुअघि लिड्लेले ४१ रन बटुलेका थिए । उनले ४९ बलमा ३ चौका र २ छक्का प्रहार गरे ।
त्यस्तै, स्कट इडवार्डस्ले ३०, पिटर सिलरले नटआउट २३ र एन्टोनियो स्टलले नटआउट २० रन बनाए । नेपालबाट सन्दीप लामिछानेले २ तथा सोमपाल कामी र सदाब आलमले १ विकेट लिए ।
ओपनिङ जोडी राम्रोसँग जम्दा नेपालले १५ ओभरमै सहज रुपमा लक्ष्य लक्ष्य भेट्टायो । त्यसक्रममा ओपनर कुशल भुर्तेलले ६२ र आरिफ शेखले नटआउट ५४ रन बनाए ।
जुलियन डि मेकोबलमा पिटर सिलरले क्याचआउट गर्नुअघि ४६ बल सामना गरेका भुर्तेलले ५ चौका र ५ छक्का प्रहार गरे ।
त्यस्तै, शेखले ४ चौका र ४ छक्का प्रहार गरे । कप्तान ज्ञानेन्द्र मल्लले पनि नेपालको जीतमा १३ रनको योगदान गरे ।
प्रतियोगिताअन्तर्गत नेपालले अब सोमबार मलेसियाको सामना गर्नेछ ।