त्यो सपनाको पनि के कुरा गर्नु,
जुन निद्राको प्रतीक्षा गरिरहेको छ,

त्यो भविष्यको पनि के कुरा गर्नु,
जुन वर्तमानमा कहीं हराएको छ,

म त अब भावनाको कुरा गर्छु यहाँ,
जुन मनको कुनामा कतै दाबिएको छ,

मेरा केही चाहेका अनगिन्ती रहरहरु,
जुन दिलको गहिराइमा कतै भासिएको छ,

ती देखेका मेरा केही साना सपनाहरु,
जुन साथसँगै कतै हराएर गएको छ,

अनि मेरा केही पूर्ण भएका चाहनाहरू,
जुन विगतबाट मलाई चियाइ हासिरहेको छ,

अब त केबल चाहना छ त्यो सेतो कपडाको,
जसको थाङ्नाले सबैको प्यारो बनाउँछ,

अनि दिन्छ अनगिन्ती समय एकान्तमा उभिने,
र कात्रोमा बेरिएको आफ्नो प्रतिविम्व हेर्ने।