हिपमत डटकम
विराटनगर, १९ माघ:विराटनगरस्थित गायत्री संस्कृत माध्यमिक विद्यालयका पूर्वविद्यार्थीहरूको भेलाले नारायण पोखरेलको अध्यक्षतामा नयाँ कार्यसमिति गठन गरिएको छ ।
विद्यालयमा २०४४ सालदेखि हालसम्म अध्ययन गरेका पूर्वविद्याथीहरूको वृहत भेलाले पोखरेलको अध्यक्षतामा १३ सदस्यीय ‘गायत्री संस्कृति मावि पूर्वविद्यार्थी समाज गठन गरेको हो । समितिको उपाध्यक्षमा रीता रेग्मी, सचिवमा प्रभाकर रेग्मी, सहसचिवमा विनय पोखरेल र कोषाध्यक्षमा लेखनाथ अधिकारी चयन भएका छन् । त्यस्तै श्यामकृष्ण बास्कोटा, विजया नेपाल, रफिकुल हुसेन, नुना कट्टेल, कमल पोखरेल, रुद्र राजवंशी र बाबुराम घिमिरे सदस्य रहेका छन् । विद्यालयमा अध्ययन गरेका विद्यार्थीहरू देशका विभिन्न उच्च तहमा पुगेका छन् । समाजले विद्यालयको विकाससँगै पूर्वविद्यार्थीहरूबीच भेटघाट, आपसी सद्भावका साथै सामाजिक क्षेत्रमा काम गर्ने अध्यक्ष पोखरेलले बताए ।