हिपमत डटकम
काठमाडौं,१४ माघ: बिहान प्रहरी समक्ष आत्मसमर्पण गरेकी गायिका आस्था राउतलाई अभिनेत्री रेखा थापाले भेटेकी छन् । स्वास्थ्यमा समस्या आएपछि सोमबार साँझ त्रिपुरेश्वरको ब्लुक्रस अस्पतालमा भर्ना गरिएको आस्थालाई रेखाले त्यही भेटेकी हुन् । भेटमा आस्थाले आफुबाट गल्ती भएको र गल्तीबाट पाठ सिकेका बताएको रेखाले बताइन् । रेखाले आस्थासँगको भेटको एक तस्बिर सामाजिक सञ्जालमार्फत शेयर गरेकी छन् । तस्बिरका साथ उनले एक लामो स्टाटस् लेख्दै आस्थाको यो अपराध नियोजित अपराध नभएर भुल भएको बताएकी छन् ।रेखाले आस्थाको यो भुललाई कयांैको जीवनको घटनाको रुपमा लिनुपर्ने बताउँदै बिषयलाई कानूनी र प्रशासनिक विषय मात्र नबनाउन समेत आग्रह गरेकी छन् ।