रियल सोसिडाडलाई पेनाल्टी सुटआउटमा पराजित गर्दै बार्सिलोना स्पेनिस सुपर कपको फाइनलमा प्रवेश गरेको छ । निर्धारित समयमा खेल १–१ को बराबरीमा सकिएपछि खेल पेनाल्टीमा पुगेको थियो ।
एन्टोनी ग्रिजमान र फ्रांकी डि योङले मिस गर्दा रिक्वी पुइगले बार्साका लागि निर्णयाक गोल गरे । बार्साका गोलकिपर मार्क आन्द्रे टेर स्टेगनले सोसिडाडका दुईवटा प्रहार रोकेका थिए ।
यसअघि डि योङले बार्सालाई खेलको ३९ औँ मिनेटमा बार्सालाई अग्रता दिलाएका थिए । तर दोस्रो हाफमा उनले नै ह्यान्डबल गरे पछि सोसिडाडले पेनाल्टी पायो जसलाई मिकेल आयोरजाबालले सजिलै गोलमा परिणत गरे ।
साबिक विजेता रियल म्याड्रिडले अर्को सेमिफाइनलमा एथ्लेटिक बिल्बाओको सामना गर्नेछ ।