हिपमत डटकम

शुक्रबार, मंसिर १९, २०७७ || 739  पटक पढिएको

ओखलढुंगा । प्रहरीले दुर्लभ वन्यजन्तु सालकको खपटा र एक थान लोपोन्मुख मृत चरासहित एकजना पुरुषलाई पक्राउ गरेको छ । पक्राउ पर्नेमा भोजपुर जिल्ला रामप्रसाद राई गाउँपालिका वडा नं. १ साविकको ओख्रे गाविसका ईच्छाकुमार राई रहेका छन् ।

गत बिहिवार नियमित चेकजाँचका क्रममा शंका लागेर राईले बोकेको झोला खानतलासी गर्दा उनको साथबाट १ किलो ५ सय ७० ग्राम सालकको खपटा र हरियो रंगको कार्वनभित्र बेरेर राखिएको मृत खैरो कालो रंगको लोपोन्मुख चरा १ थान फेला परेको जिल्ला प्रहरी कार्यलय ओखलढुंगाका प्रहरी निरिक्षक शिव कट्टेलले जानकारी दिए ।

जिल्ला प्रवेश गर्ने मुख्य नाका हर्कपुरस्थित माझीगाउँबाट उनलाई नियन्त्रणमा लिईएको प्रहरीको भनाई छ । नियन्त्रणमा लिए लगत्तै उनलाई बरामद सामानसहित डिभिजन वन कार्यलय ओखलढुंगाको जिम्मा लगाइएको प्रहरी निरीक्षक कट्टेलको भनाई छ ।

डिभिजन वन कार्यलयले राईविरुद्ध संरक्षित वन्यजन्तु ओसारपसार शिर्षकमा मुद्धा दायर गरेको सहायक डिभिजन वन अधिकृत जमानसिंग मोक्तानले बताए । हाल उनी प्रहरी हिरासतमा रहेको र आवश्यक अनुसन्धान भैरहेको सहायक डिभिजन वन अधिकृत मोक्तानको भनाई छ ।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया
error: कृपया कपि नगर्नु होला !!