हिपमत डटकम
रेसलिङ लेजेन्ड द अन्डरटेकरले डब्ल्यूडब्ल्यूई युनिभर्सलाई अलविदा भनेका छन् । अन्डरटेकरले सर्भाइभर सिरिजको क्रममा बिदा लिएका हुन् ।
५५ वर्षका अन्डरटेकरले आइतबार आफ्नो क्यारेक्टर अनुरुपको भावभंगीमा र कस्ट्युमसहित अन्तिम पटक रिङमा कदम राखे ।
उद्घोषणकले रिङमा आएर अन्डरटेकरको बिदाईको घोषणा गरे । त्यसपछि अन्डरटेकर रिङमा शानदार तरिकाले प्रवेश गरे । उनले आफ्नो करियरबारे कुरा गरे । साथै, आफ्नो समय आइसकेको पनि बताए ।
प्रशंसकले ‘धन्यवाद टेकर’ भन्दै उनलाई विदाई दिए । यतिबेला टेकर आफू पनि भावुक भएका थिए ।
उनी रिङमा ‘द अण्डरटेकर’ को नामले चर्चित भए । उनको वास्तविक नाम मार्क विलियम कालावे हो । उनको जन्म सन् १९६५ मार्च २४ तारिखमा ह्यूस्टनमा भएको थियो । उनले सन् १९९० नोभेम्बर २२ मा सर्वाइभर सिरिजबाट नै डब्ल्यूडब्ल्यूई डेब्यू गरेका थिए ।
हालै एक अन्तर्वार्तामा अण्डरटेकरले आफूलाई आफ्नो करियरप्रति गर्व भएको बताएका छन् । उनले ३० वर्ष लामो करियरमा थुप्रै उपलब्धि हासिल गरेका छन् ।
१.
२.
३.
